nakakatuwang isipin nung nakaraang linggo e nagawa kitang mapanaginipan. ayun lumuluha ulit ako. pagkagising ko kahit ako nagtataka kung bakit. ang tinatanong ko sa sarili kung bakit nga ba. dahil ba sa di ko man lang nasabi sayo ang laman ng damdamin ko. pinagsisihan ko ba ngayon ang di ko nagawang sabihin sayo ang totoong nadarama?
mahal kita o minahal kita. ang pag-ibig ko sayo ay isang trahedya. minahal kita dati yun ang totoo o yun ang gusto kong tanggapin na katotohanan. malabo na mag usbong ang pag-iibigan sa atin. isang bagay lang ang malinaw, sa pitong taon pangalan mo ang naging password ko, sa pitong taon naging laman ka ng puso ko, sa pitong taon na inspire ako sayo at marami pa.
my ngiti pa rin sa labi ko pag naalala ko ang damdamin ko sayo. isang napakagandang alaala.
masaya ako para sa'yo vanita.. ay mali Ruffa Vanni pala, ah hindi VANITA, tama vanita ang pangalan ang ibinigay ko sayo at ako lang ang may karapatan tumawag sa'yo nun. masaya ako at nasa relationship ka na. masaya ako para sa'yo. masaya na naman tayo sa mga buhay buhay natin kaya tuloy pa rin ang buhay.
sa susunod.. sana magkwentuhan at magtawanan naman tayo minsan, at sana tears of joy naman yun 
hanggang sa muli vanita.... hanggang sa muli sa dati kong pag-ibig, PAALAM..
